MACAM-MACAM gawian sudah biasa digawi Palui, matan tukang basuh mutur, jadi karnit, bajual buah, manangkulak, jadi pagawai honda, maujek disamping gawiannya di banua bahuma wan bakabun. Rupanya samunyaan gawian itu kada nang awitnya sampai wayahini inya balajar jadi tukang jahit.
Hari itu Palui dapat upah manjahit baju ampun pambakal Ijut, ujarnya handak dipakai gasan isuk harinya. Tapaksa ai Palui bamalaman manggawi. Hari sudah parak jam 11 malam Palui masih maninjak haja, bini Palui yang dari tadi mambawai guringan tapaksa ai managur lakinya.
Ui abahnya, sadang bamandak bagawi hari sudah parak tangah malam, ujar bininya batapih mandada handak guring managur Palui nang masih manggalugur maninjak masin.
Satumat lagi umanya ai, alang-alang banar. Baju ini sudah tajanji tuntung dan cagar diambil baisukan isuk, sahut Palui.
Malam ini malam jumahat abahnya ai, haragu awak kalu pina garing, kaina aku Kada Dihayut-hayut jua nang uyuhnya mauruti, ujar bininya.
Aku paham haja umanya ai, satumat lagi, tulung ulahakan kupi supaya kawa manahan kantuk agar gawianku ini lakas tuntung, ujar Palui sambil manyirit bininya nang pina ungah.
Ini nah abahnya, sampiyan kulahakan kupi cangkir ganal, ujar bininya langsung masuk ka kalambu. Di ranjang bini Palui tumbang tumbalik balisah kada kawa guring mahadang lakinya. Parak pukul lima subuh bininya mailan, malihat Palui masih bagawian inya kada wani managur takutan kalu disariki.
Lalu bini Palui langsung ka kamar mandi, baudhu, imbah itu sambahyang subuh. Imbah tuntung sambahyang, kadapur manjarang banyu, lalu maulahakan kupi gasan lakinya. Ui abahnya, ininah kupi panas, ujar bininya baucap sambil marasa hiran kanapa maka kupi nang diulahakan tangah malam haja balum dinginumnya.
Daripada kasasarikan, bini Palui langsung mambungkus pakaiannya handak tajun bulik karumah umanya karna marasa kada dihirani.
Sabaarr....... sabaaarrr umanya, aku tapaksa bagawi tarus sampai subuh karna ada jua janji manuntungakan baju pambakal , ujar Palui malamahi, mambujuki bininya.
Ulun kada kawa basabar lagi, jangankan awak ulun, kupi nang diulahakan tangah malam haja kada dihayut hayut. Ulun marasa dilecehakan banar kada digamitgamit, apalagi malam jumahat adalah malam afdal, ujar bininya marunca-runca.
Ayu ja ding ai, aku bamandak bagawi, aku paham haja kahandak ikam itu, malam atawa siang sama haja afdalnya, ujar Palui sambil manarik bininya ka dalam kalambu. (ivd/mht)
( Dheny / BPosto
Kisah Palui: Kada Dihayut-Hayut
MACAM-MACAM gawian sudah biasa digawi Palui, matan tukang basuh mutur, jadi karnit, bajual buah, manangkulak, jadi pagawai honda, maujek disamping gawiannya di banua bahuma wan bakabun. Rupanya samunyaan gawian itu kada nang awitnya sampai wayahini inya balajar jadi tukang jahit.
Hari itu Palui dapat upah manjahit baju ampun pambakal Ijut, ujarnya handak dipakai gasan isuk harinya. Tapaksa ai Palui bamalaman manggawi. Hari sudah parak jam 11 malam Palui masih maninjak haja, bini Palui yang dari tadi mambawai guringan tapaksa ai managur lakinya.
Ui abahnya, sadang bamandak bagawi hari sudah parak tangah malam, ujar bininya batapih mandada handak guring managur Palui nang masih manggalugur maninjak masin.
Satumat lagi umanya ai, alang-alang banar. Baju ini sudah tajanji tuntung dan cagar diambil baisukan isuk, sahut Palui.
Malam ini malam jumahat abahnya ai, haragu awak kalu pina garing, kaina aku Kada Dihayut-hayut jua nang uyuhnya mauruti, ujar bininya.
Aku paham haja umanya ai, satumat lagi, tulung ulahakan kupi supaya kawa manahan kantuk agar gawianku ini lakas tuntung, ujar Palui sambil manyirit bininya nang pina ungah.
Ini nah abahnya, sampiyan kulahakan kupi cangkir ganal, ujar bininya langsung masuk ka kalambu. Di ranjang bini Palui tumbang tumbalik balisah kada kawa guring mahadang lakinya. Parak pukul lima subuh bininya mailan, malihat Palui masih bagawian inya kada wani managur takutan kalu disariki.
Lalu bini Palui langsung ka kamar mandi, baudhu, imbah itu sambahyang subuh. Imbah tuntung sambahyang, kadapur manjarang banyu, lalu maulahakan kupi gasan lakinya. Ui abahnya, ininah kupi panas, ujar bininya baucap sambil marasa hiran kanapa maka kupi nang diulahakan tangah malam haja balum dinginumnya.
Daripada kasasarikan, bini Palui langsung mambungkus pakaiannya handak tajun bulik karumah umanya karna marasa kada dihirani.
Sabaarr....... sabaaarrr umanya, aku tapaksa bagawi tarus sampai subuh karna ada jua janji manuntungakan baju pambakal , ujar Palui malamahi, mambujuki bininya.
Ulun kada kawa basabar lagi, jangankan awak ulun, kupi nang diulahakan tangah malam haja kada dihayut hayut. Ulun marasa dilecehakan banar kada digamitgamit, apalagi malam jumahat adalah malam afdal, ujar bininya marunca-runca.
Ayu ja ding ai, aku bamandak bagawi, aku paham haja kahandak ikam itu, malam atawa siang sama haja afdalnya, ujar Palui sambil manarik bininya ka dalam kalambu. (ivd/mht)
( Dheny / BPosto
